每年12月13日係北歐國家嘅節慶 — 聖露西亞日。 據說每年嘅12月13日係冬天黑夜最長嘅一天，而過咗呢日後黑暗嘅時間會慢慢變短，所以喺呢一日光明女神 — 聖露西亞就會出現「為人民帶來光明」。 聖露西亞節當日瑞典各地教堂會舉辦露西亞儀式。一班身穿白長袍，手持蠟燭嘅少女們組成 Luciatåg，由載上蠟燭頭環扮演露西亞嘅少女帶頭進場。Luciatåg 排成一列一邊進場一邊唱聖詩，象徵引進光明和希望。 為咗配合現代人生活，依家唔同嘅教堂喺 12月13日前嘅週末開始喺每日不同時段舉辦露西亞儀式，直至12月13日後嘅週末完結。正日當日電視台亦會播出斯德哥爾摩大教堂當晚舉辦嘅露西亞儀式。瑞典人非常重視聖露西亞日，可說繼仲夏節同聖誕節後，最重要節日之一。有啲公司會喺辦工時間內喺辦公室安排 Luciatåg 演唱，又甚至有員工會自發組織 Luciatåg 為同事們表演。... See More